StarPratika.com

३ वर्ष अगाडि / ४७९  पटक हेरिएको

काठमाडौं– ऊर्जा, जलस्रोत तथा सिँचाइ मन्त्रालयले कर्मचारी सरुवा र खटनपटनका लागि मापदण्ड बनाएर मात्र प्रक्रिया अघि बढाउन मातहतका निकायलाई निर्देशन दिएको छ ।
ऊर्जा, जलस्रोत तथा सिँचाइ मन्त्री वर्षमान पुनले मन्त्रालयका सचिव र मातहतका विभागका प्रमुखलाई सरुवाको मापदण्ड बनाउन र मनलाग्दी तवरले कुनै पनि निकायका कर्मचारीको सरुवा नगर्न निर्देशन दिनुभएको हो ।
मन्त्री पुनले सरुवामा मापदण्ड बनाएर लागू, गर्न, योग्य व्यक्तिलाई उचित जिम्मेवारी दिन तथा सही व्यक्ति सही पदको नीति लागू गर्नसमेत सम्बद्ध निकायलाई निर्देशन दिनुभएको छ ।
मन्त्री पुनले आज मन्त्रालय मातहतका सबै प्रमुख तथा पदाधिकारीलाई बोलाएर उक्त निर्देशन दिनुभएको उहाँको सचिवालयले जनाएको छ ।
मन्त्री पुनले भनसुनका आधारमा काम गर्नेभन्दा पनि प्रणालीले काम गर्ने खालको वातावरण बनाउन तथा अनुचित लाभ र दबाब दिने काम जो कोहीले गरे पनि आफूलाई जानकारी गराउन र त्यस्तो कार्य गर्नेलाई कान्ूनअनुसार कारबाही गर्न निर्देशन दिनुभएको छ ।

तपाईको प्रतिक्रिया
फेसबुक पेज
about us
coming soon
Our Team

Coming soon

Contact

Coming soon