StarPratika.com

७ महिना अगाडि / ३२७  पटक हेरिएको

सयुक्त राज्य अमेरिकाको पेन्सीलभानिया राज्यको हेरिस्वर्ग निवासी साहित्यकार शेखर कोइराला(चन्द्र) एक सफल लेखक हुनुहुन्छ । वि.सं. २०४० सालमा पिता श्री हेमलाल कोइराला र माता स्व. जमुना कोइरालाको कोखबाट भूटानको सर्भाङस्थित कालीखोला जन्मिनु भएका साहित्यकार शेखर सानै उमेर देखि साहित्य र संगीतमा रूची राख्नु हुन्थियो। आधी दर्जन भन्दा बढी गीत रेकर्ड भैसकेका उहाको गत बर्ष मात्रै गीती कविता संग्रह ”ममता” सार्वजनिक भैसकेको छ भने गजल संग्रह “प्रेमाश्रु” छिट्टै नै प्रकाशन हुने तयारीमा छ । यसअघि “ए सानी” ,“आमा” र “लुकीलुकी के सिठ्ठी बजाउँछौ” बजारमा आइसकेका लेखक चन्द्रको “सोल्टिनी नानी” र “जलाएर गयौ”चाँडै बजारमा आउदै छ भने उहा नयाँ गीती एल्बम ,कविता संग्रहहरूको प्रकाशनको तयारीमा पनि हुनुहुन्छ।
त्रिवेणी साहित्य मञ्च,पेन्सीलभानिया, भूटानी अमेरीकन संगीत संगठनको साथै विभिन्न साहित्यिक,सांस्कृतिक तथा सांगीतिक संस्थाहरूमा सक्रिय भएर आबद्ध गीतकार सांगीतिक र साहित्यिक जगतमा स्व. माता जमुना कोइरालाको प्रेरणास्रोतले लागेको बताउनु हुन्छ । हाल अमेरिकामा पिता, श्रीमती ,एक छोरी र एक छोरोको साथमा रहदै आउनु भएका लेखक चन्द्रले साहित्य एब गीत लेखनलाइ निरन्तरता दीइरहने बताउनु भयो ।
उहाको बाल्यकाल र कसरी लेखनमा आउनु भयो भनेर सोध्धा यसो भन्नुहुन्छ
”जन्मेदेखि ९ बर्षसम्म जन्मभुमीको माटोको रङ्सँग खेलें त्यसपश्चात देशछोड्दाको पिडा त छँदै थियो सानो मुटुमा….. बिसौं वर्ष नेपाली भूमीमा शरणार्थी जीवन भोगाईमा गाँसबास अनि कपासको अनिकालमा मडारीरहे ,मनमा अनेकौं भावनाहरू खेल्न थाले। बिद्धार्थी जीवनमा स-साना कार्यक्रमहरूमा भाग लिँदै संगीत र साहित्यिक पाटोमा कलम चलाउन सुरूवात गरेको हुँ। सम्हालिदै थिँए…फेरी विदेशीनु पर्यो र विदेशी भूमीमा आमा गुमाउनाले झन चकनाचुर भए ।कोखदेखी स्याहारेर जवानी र जीन्दगीको भोग गराइदिने आमाले चटक्कै छोडेको पिडाको बयान गर्न नसकेर उनकै सम्झनामा डुब्न थालेछु..! पत्तै भएन।”

 

तपाईको प्रतिक्रिया
फेसबुक पेज
about us
coming soon
Our Team

starpatrika.com team

Contact

Coming soon